Dumondas frequentas

Vus pudais utilisar il login dad AGOV en il traffic electronic cun autoritads, tar la Confederaziun a partir dals 12 da favrer 2024. Ils chantuns e las vischnancas introduceschan il AGOV pass per pass a partir da l'onn 2024.

En las proceduras da login usitadas duvrais Vus in num d'utilisaziun ed in pled-clav, eventualmain er anc in segund factur. Sin AGOV remplazza il smartphone u la clav da segirezza il num d'utilisaziun ed il pled-clav, ch'eran usitads fin ussa. Quai è ina soluziun pli segira e pli cumadaivla.

Vus pudais administrar Voss login dad AGOV sin .

AGOV vegn manà da la Confederaziun en agens centers da datas en Svizra. Là èn er arcunadas Vossas datas.

Per Vus sco utilisadra u utilisader è il login dad AGOV gratuit. AGOV vegn finanzià da la Confederaziun e dals chantuns.

Nus As recumandain da registrar a medem temp dus apparats sin AGOV, per exempel in smartphone ed ina clav da segirezza. Sche Vus perdais in dals apparats, è l'access a Voss login dad AGOV tuttina garantì senza restricziuns. Independentamain da quai survegnis Vus in code da restabiliment, cura che Vus faschais la registraziun. Tegnai per plaschair en salv quest code en in lieu segir. Sche Vus avais pers tut ils apparats che Vus avais registrà sin AGOV, pudais Vus restabilir Voss login dad AGOV cun agid da quest code. Eventualas controllas supplementaras da l'identitad ch'eran gia vegnidas fatgas, ston vegnir repetidas en quest cas.

Il login dad AGOV vegn a remplazzar il LOGIN CH. Ad interim stat il LOGIN CH a disposiziun er vinavant.

Uschespert che la e-ID statala stat a disposiziun, pudais Vus er duvrar la e-ID per il login tar autoritads via AGOV. Ord vista dad AGOV po la e-ID remplazzar l'app AGOV access.

Sin www.agov.ch/help chattais Vus soluziuns per problems usitads. Là pudais Vus avrir in cas da support, quella vegn respundain uschè svelt sco pussaivel.