Informaziuns per autoritads

AGOV, Definiziun

Il project AGOV da l’Administraziun digitala Svizra (ADS) realisescha la Federaziun d’identitads svizra FSI sin basa dal trustbroker sviluppà per la FSI e dal CH-LOGIN da l’administraziun federala ch’exista dapi blers onns. La Federaziun d’identitads unescha las identitads electronicas chantunalas, las identitads da la domena universitara svizra a partir da la fin da l' onn 2024, la futura e-ID svizra statala, uschespert che quella è disponibla, sco er las identitads electronicas AGOV-nativas èn registradas en ina AGOV a partir dal schaner 2024. La Federaziun d’identitads ed il provider d’identitads AGOV stat a disposiziun a tut ils plauns administrativs da la Svizra (vischnancas, chantuns e Confederaziun). AGOV remplazza l'anteriur CH-LOGIN suenter in manaschi parallel inizial, vegn gestiunà dal UFIT e manà da la ChF TDT ed è ina part integrala dal Servetsch da standard da gestiun da las identitads e da l’access.

Colliar applicaziuns administrativas cun AGOV

Applicaziuns da tut las autoritads svizras pon utilisar AGOV sco procedura da login exclusiva u cumplementara. Applicaziuns da terzas varts, sur las qualas vegnan liquidadas fatschentas administrativas, pon medemamain vegnir colliadas cun AGOV, sch'ellas èn suttamessas a la LMEIA.

Per l'ina èsi pussaivel da colliar las applicaziuns da destinaziun directamain cun AGOV, per l'autra da colliar cun AGOV ils sistems IAM intermediars, vi dals quals las applicaziuns da destinaziun èn pendidas. Questa segunda varianta porscha l'avantatg, che la lavur impundida per far la colliaziun sa reducescha e ch'il sistem IAM intermediar po furmar sur sias applicaziuns da destinaziun ina domena SSO. AGOV sez na furma naginas domenas SSO.

Las colliaziuns succedan tenor libra tscherna sur il protocol OIDC u SAML. Las autoritads respectivamain lur furniturs pon far las colliaziuns sur l'autoservetsch sin il portal AGOV connect. Emprovas da colliaziun vegnan integradas directamain en la producziun dad AGOV. Ins na sto betg guntgir sin in sectur isolà. Sch'i dat plirs stages sin la pagina en mira, pon tut quels vegnir colliads cun la producziun dad AGOV. AGOV sez na porscha nagins agens stages.

Las autoritads interessadas sa drizzan a l'Administraziun digitala Svizra ADS. Sco basa per la colliaziun vegn fatga ina cunvegna tranter l'autoritad en mira (p.ex. chantun) e la Chanzlia federala, Sectur TDT. Las unitads administrativas da l'administraziun federala utiliseschan AGOV via eIAM (obligaziun da cumpra), tuttina sco il CH-LOGIN actual che vegn remplazzà tras AGOV.

Infurmaziuns davart il project e forum da discussiun

AGOV - Videos explicativs per las autoritads svizras

Video 1: AGOV – Funcziunament ed architectura

Quei video presenta il servetsch AGOV dallas autoritads svizras.

Audio: DE FR IT RM EN | ZIP: herunterladen

Video 2: AGOV - Login, registraziun, schema da recuperaziun

Quei video presenta il survetsch AGOV dallas autoritads svizras e muossa la procedura d’access cun AGOV, sco era la registraziun d’ina identitad nativa AGOV.

Audio: DE FR IT RM EN

Video 3: AGOV – Concept da support

Dieses Video stellt das Supportkonzept von AGOV vor.

Audio: DE FR IT EN

Video 4: AGOV – Enconuschientschas necessarias per il support AGOV

Dieses Video zeigt beispielhaft auf, über welche Kenntnisse die Supportenden von AGOV verfügen müssen.

Audio: DE FR IT EN